Mizoram Synod hnuaia Pastor-te infuih tharna neih a ni

by Editor

Tualchhung News

SUNDAY PUAL

ZORAM TODAY| 23rd June, 2024 (Sun): June ni 17-19, 2024 chhung khan Mizoram Presbyterian Kohhran Bial vawng Pastor-te infuih tharna hun, Synod Conference Centre-ah a thawh khatna neih a ni a, Aizawl District huam chhunga Pastor bial vawng 44 an kal thei.

June ni 19-21, 2024 chhungin a thawh hnihna Synod Conference Centre-ah neih leh a ni a. Hetah hian Aizawl, Saitual leh Serchhip District huam chhunga Pastor bial vawng 47 an kal bawk a ni.

Pastor-te Infuihtharna hi thawh nga neih tura ruahman a ni a. Thawh thumna hi June 24-26, 2024 chhungin Kolasib leh Mamit District huam chhunga bial vawng Pastor-te tan Synod Conference Centre-ah neih leh a ni ang.

July 2-4, 2024 chhungin Lungleiah Chhim Bial leh Serchhip District huam chhunga Pastor bial vawng mekte tan buatsaih a ni ang a, July 16-18 chhungin Champhai leh Khawzawl District huam chhunga Pastor bial vawng mekte tan Champhaiah buatsaih a ni ve leh bawk ang.

Pastor-te infuih tharna hunah hian Synod Puipaten heng thupui hrang hrangte hi an sawi thin- Pastoral Ministry kaihhruaina, Kohhran mite ngaihsak, Tun lai huna Pastor-te inpekna leh Pastor-te leh tunlai khawvel, tih te a ni.